Seglskútan Messenger hefur haft vetursetu í Reykjavíkurhöfn og hjón með 3 börn sín hafa búið um borð. Vel hefur farið um þessa ágætu fjölskyldu þótt plássið sé lítið og upphitun af skornum skammti.
Tvær elstu dæturnar stunda nám í Austurbæjarskóla. Húsmóðurin, Natasha, var ófrísk af sínu fjórða barni sem hún fæddi um helgina í Albertshúsi á Ísafirði en þar var maður hennar, Jay, að aðstoða við viðgerð ú skútunni Áróru.
Albertshús er gamlat hús á Ísafirði og þar hafa fæðst 25 börn á árum áður og drengurinn hennar Natasha var númer 26, 16 merkur og 54 sentimetrar og báðum heilsast vel.
Þau Natasha, Jay, Sol, Luna og Caribe voru hæstánægð með nýjasta áhafnarmeðliminn.
