Stjórn Faxaflóahafna sf. ákvað á fundi sínum þann 13. september s.l. að auglýsa Hafnarhúsið á Akranesi til sölu. Tilgangurinn með því að auglýsa húsið til sölu er að auka líf við 
Akraneshöfn og skapa forsendur til þess að veitingastarfsemi og ferðaþjónusta geti skotið þar rótum. Akraneshöfn býður upp á góða aðstöðu fyrir smærri báta sem og togara, en nú er ætlunin að stuðla að aukinni fjölbreytni í starfsemi á hafnarsvæðinu. Í næsta nágrenni við Akraneshöfn er hinn margrómaði Langisandur og niður á Breið eru tveir vitar sem vakið hafa mikla athygli gesta á síðustu misserum. Með því að bjóða þjónustuaðila velkomna á hafnarsvæðið á Akranesi opnast nýir möguleikar sem án vafa geta verið spennandi. Auglýsingu um útboð Hafnarhússins á Akranesi má sjá hér.Hafnarhús-auglýsing 2013.
Sölugögn má nálgast á skrifstofu Faxaflóahafna sf. frá og með mánudeginum 28. október, en tilboð skulu berast á sama stað eigi síðar en 29. nóvember n.k.
