Síðastliðið sumar hófst undirbúningur hjá Faxaflóahöfnum sf. vegna opinnar hugmyndasamkeppni um framtíðarskipulag Gömlu hafnarinnar í Reykjavík. Þessi undirbúningur er unninn í samvinnu við Reykjavíkurborg og aðra hagsmunaaðila. Hér verður gerð grein fyrir umfangi samkeppninnar, hverjir stóðu að vinnu við undirbúning hennar sem og tímáætlun. Markmið þeirrar hugmyndasamkeppni, sem nú er hafin, um framtíðarskipulag Gömlu hafnarinnar í Reykjavík, er að draga fram hugmyndir sem sameina mismunandi þætti sem að verkefninu snúa og eru aðallega þessir:
- Framtíðarsýn Faxaflóahafna sf.
- Gamla höfnin sem hluti miðbæjarins
- Varðveisla og þróun léttari starfsemi innan Gömlu hafnarinnar
- Hugsanlegar landfyllingar og íbúðabyggð
- Friðun, verndun sögu og minja
- Hugmyndabanki fyrir vinnu við Aðalskipulag Reykjavíkur sem nú er í endurskoðun
- Sýna fram á leiðir í samgöngumálum í takt við tillögu
Samkeppnisform:
Samkeppnin er opin almenn hugmyndasamkeppni.
Samkeppnin er tvíliða, þ.e. annars vegar opin fagaðilum, arkitektum og skipulagsfræðingum, sem skila inn hefðbundnum heildstæðum skipulagshugmyndum (hluti A) einnig almenningi sem getur skilað inn hugmyndum og ábendingum með ýmsu sniði. Gert er ráð fyrir að valdar hugmyndir nýtist við áframhaldandi skipulagsvinnu á svæðinu. (hluti B).
Ein og sama samkeppnislýsingin gildir fyrir báða hluta samkeppninnar. A-hluti samkeppninnar er unnin í samvinnu við Arkitektafélag Íslands.
Dómnefnd
Sjö manna dómnefn skipa eftirtaldir aðilar.
Tilnefndir af verkkaupa:
Júlíus Vífill Ingvarsson, formaður dómnefndar, borgarfulltrúi, formaður stjórnar Faxaflóahafna sf og skipulagsráðs.
Dagur B. Eggertsson, borgarfulltrúi og situr í stjórn Faxaflóahafna sf.
Lena Helgadóttir, arkitekt FAÍ.
Gísli Gíslason, hafnarstjóri Faxaflóahafna sf.
Tilnefndir af Arkitektafélagi Íslands:
Þorvaldur S. Þorvaldsson, arkitekt FAÍ.
Valdís Bjarnadóttir, arkitekt FAÍ.
Harpa Stefánsdóttir, arkitekt FAÍ.
Ritari dómnefndar er Ásdís Ingþórsdóttir, arkitekt FAÍ.
Verðlaun
Heildarverðlaun í samkeppninnni eru 14.000.000 kr.
Tímaáætlun samkeppni:
Samkeppnisgögn afhent 7. júní 2009
Vettvangsskoðun 16. júní 2009
Fyrri skilafrestur fyrirspurna 19. júní 2009
Svör við fyrri fyrirspurnum 24. júní 2009
Seinni skilafrestur fyrirspurna 11. september 2009
Svör við seinni fyrirspurnum 18. september 2009
Skilafrestur tillagna 6. október 2009
Niðurstaða dómnefndar lok nóvember 2009
Þeir sem vinna að undirbúningi samkeppninnar eftirtaldir:
Júlíus Vífill Ingvarsson - formaður Faxaflóahafna sf. og Skipulagsráðs
Dagur B. Eggertsson - borgarstjórn Reykjavíkur
Sigmundur Davíð Gunnlaugsson - skipulagshagfræðingur
Ólöf Örvarsdóttir - skipulagsstjóri
Gísli Gíslason - hafnarstjóri
Vinnuhópur:
Vignir Albertsson – skipulagsfulltrúi Faxaflóahafna
Þorvaldur S. Þorvaldsson – arkitekt
Margrét Leifsdóttir – arkitekt á skipulags- og byggingarsviði
Ásdís Ingþórsdóttir – arkitekt